Wikang Filipino; Tatak-Pilipino

Iisang lahi; may isang layunin. Filipino ang ating wika; Pagkakaisa'y     pangibabawin.

                            Wika ang isang pinakamahalagang sangkap sa anumang paraan ng mabisang pakikipagtalastasan at komunikasyon. Malaki ang nagagawa ng wika sa pagkakaroon ng magandang unawaan, ugnayan at mabuting pagsasamahan. Naipadarama ng wika ang sidhi ng damdamin, ang lalim ng lungkot, ang lawak ng galak, ang kahalagahan ng katwiran, ang kabutihan ng layunin, ang nakapaloob na katotohanan sa isang intensyon, ang kaibuturan ng pasasalamat at paghanga at ng iba pang nais na iparating ng sinuman.

                            Kaya tayong mga Pilipino pahalagahan natin ang ating sariling wika at mahalin ng buong puso, hindi lamang sa salita kundi sa gawa.